Gikabutyag ni Teody Navea ang Secretary General sa Sanlakas Cebu nga sakto lang nga lakang nga gihimo karon sa Alyansa sa mga Mamumuo sa Sugbo–Kilusang Mayo Uno (AMA Sugbo-KMU) ug ang Greenpeace Philippines nagtinabangay isip kabahin sa Justice for Prime Waste 39 Network, kabahin sa pagpangita og tulubagon sa nahitabong trahedya sa landfill sa Barangay Binaliw, Cebu City niadtong Enero 8, 2026.
Miuyon si Navea nga angay lang ang lakang nga gihimo karon sa Sugbo-KMU ug Greenpeace nga mangayo og resulta sa giingong imbestigasyon human sa trash slide sa Binaliw landfill facility.
Mao kini ang gipamahayag ni Navea atol sa eksklusibong pakighinabi sa Bombo Radyo Cebu news team kaniya diin iyang gidugang nga kinahanglang makit-an ang resulta sa imbestigasyon para klaro ang “waste-forward,” tungod kay ang kabalaka sa mga tawo sa kasamtangan dili na subling mahitabo ang insidente sa Binaliw landfill.
Busa, alang kang Navea, dili mamahimong mapunting kung asa ang kahuyangan niini, kung dili usab masuta ang resulta ug masuta kung unsa gayud ang nahitabo.
Gitataw usab ni Navea nga ang pagbalik-operasyon sa naasoyng landfill usa ka kwestiyonable nga aksyon, gumikan kay nganung mag-operate kini og balik bisan paman nga wala kini klaro nga take-of-point.
Busa alang kaniya, kung seryoso ang pasalig nga dili na ma-utro kadtong nahitabo pag-una, nganung kinahanglan paman mag-resume sa operasyon diin ang kamatuoran, grabi man ang nahitabo, diin nakapupo sa dili momenus 35 ka kinabuhi sa mga indidbiwal human natam-ok sa nagbuntod nga tinapok nga basura.
