Gibombahan sa China Coast Guard 3302 ang barko sa BFAR nga BRP Datu Pagbuaya sa makaduha ka higayon og water cannon ug gidasmagan kini samtang nagpahigayon og routine maritime patrol uban sa PCG sa Bajo de Masinloc neighborhood aron suportahan ang mga mananagat nga Pilipino sa pagpanagat sa maong dapit.
Kini ang gikumpirmar ni PCG spokesperson for the West Philippine Sea (WPS) Comm. Jay Tarriela diin matud niya sa kataas sa maong operasyon, ang mga barko sa PH nakasugat og agresibong aksyon gikan sa upat ka barko sa China Coast Guard ug duha ka People’s Liberation Army Navy.
Diin ang CCG mipunting sa ilang water cannon sa navigational antenna sa BRP Datu Pagbuaya dayon gisundan sa tinuyo nga pag-igo sa starboard nga bahin sa barko ug wala magdugay kay gisundan dayon kini og atake sa ikaduhang water cannon sa BRP Datu Pagbuaya.
Dugang pa, ang ubang mga PCG vessels lakip na ang BRP Teresa Magbanua gikan sa PLA Navy vessel 500 ug CCG 503 ang gigukod kay gibabagan ug giapil sa mga delikadong maniobra samtang ang BRP Cabra nakasinati usab og mga delikadong maniobra gikan sa CCG 3104 sa gilay-on nga 300 ka yarda.
Bisan pa sa laing insidente, gipamatud-an sa PCG ug BFAR ang ilang pasalig sa pagpanalipod sa katungod ug kaluwasan sa mga kaubang mananagat sulod sa hurisdiksyon.
Padayon usab silang magmabinantayon sa pagpanalipod sa nasudnong interes sa West Philippine Sea (WPS).
