Gituohan ni kanhi Sen. Antonio Trillanes XIV nga adunay pagbag-o sa baruganan sa mga senador bahin sa reklamo sa impeachment batok kang VP Sara Duterte.
Kini ang higayon nga magsugod na ang impeachment trial batok kang VP Sara Duterte.
Gihisgotan ni Trillanes ang iyang kasinatian niadtong 2012 sa dihang gidungog sa Senado ang kaso sa impeachment ni kanhi Chief Justice Renato Corona.
Matud niini nga ang desisyon sa senator-judge mausab depende sa daghang mga hinungdan sama sa ebidensya nga gipresentar atol sa trial, sentimento sa publiko, ug ‘mga pangutana sa palisiya’.
Gibalikan usab ni Trillanes, usa sa mga senador nga mibotar kang kanhi CJ Corona aron mapamatud-an nga kini sad-an.
Sumala ni Trillanes, dili usab klaro sa sinugdanan kung pila ka senador ang mosuporta sa kombiksyon ni Corona hangtod nga kapin sa 2/3 sa mga miyembro sa Senado ang misuporta niini.
Subay niini, kinahanglan og 16 ka boto ang gikinahanglan sa Senado alang sa kombiksyon sa impeachable official nga gireklamo.
