Wala mahadlok si Cavite 4th District Rep. Francisco “Kiko” Barzaga sa posibleng expulsion o pagtangtang human sa iyang pagbalik sa plenaryo nunot sa iyang suspension, kini bisan paman sa mga giatubang sa ethics complaints.
Sumala sa magbabalaod, andam siya nga atubangon ang bisan unsa nga mahitabo ug nagtuo nga aduna pa siyay ubang mga oportunidad kung mapildi siya sa iyang pwesto.
Naglaum usab siya nga wala na’y dugang nga mga suspensyon tungod kay gusto niyang mag-focus sa krisis sa gasolina ug iduso ang balaodnon sa pag-abolish sa VAT.
Si Barzaga kaniadto gisuspenso tungod sa dili maayong pamatasan nga may kalabotan sa iyang mga online post.
Giinsistir usab niya nga dili siya motambong sa mga hearing sa etika tungod kay ang mga resulta dili mausab.
Ingon man nga kon gani mapalagpot siya, kini magpamatuod lamang sa giingong korapsyon sa Kongreso.
Samtang, gipahayag usab ni Barzaga ang iyang pagsupak sa impeachment ni Bise Presidente Sara Duterte, nga iyang giingon nga walay bag-ong basehan ug usa ka pag-usik sa pondo sa gobyerno.
