Nanawagan sa publiko ang progresibong party-list group nga “Bayan Muna” nga magprotesta batok sa pagkadiskaril sa impeachment complaint ni VP Sara Duterte, ug pugson ang Senado nga magtigom sa umaabot nga Hunyo 21.
Gitataw sa chairman sa Bayan Muna nga si Neri Colmenares nga bisan og ni-adjourn na ang Senado isip legislative body, mahimo gihapon kining mag-convene isip impeachment court basi sa lagda sa Senado.
Niinsistir usab si Colmenares nga kinahanglang mag-convene ang Senado karong umaabot nga Hunyo 21, aron makadawat sa tubag sa respondent, ug sugdan ang impeachment trial, kay ang impeachment court niadtong Hunyo 11 nimando sa Office of the Vice President (OVP) nga mosumiter sa ilang tubag sulod sa 10 ka adlaw.
Giawhag usab ni Colmenars ang House of Representatives nga tubagon dayon ang kamandoan sa impeachment court, nga niinsister nga ang impeachment complaint wala makalapas sa balaod, ug andam silang mopasaka og kaso ug moatubang sa impeachment court karong Hunyo 21, kay ugaling mapakyas kini, adunay mga Senador nga moingon nga gidiskaril sa Kamara ang paghusay sa wala pagtuman sa mando sa korte. | Bombo Irene Ardiente
