Miuyon si BB Gandanghari sa balaodnon nga mag-amyenda sa Juvenile Justice Law aron ipaubos ang edad sa criminal responsibility gikan sa 15 anyos ngadto sa 10 anyos.
Sa usa ka Facebook Live ni Senador Robin Padilla, si BB miingon nga mituo siya sa katuyoan sa maong balaodnon.
Sumala ni BB, ang katuyoan sa balaodnon sa iyang igsoon dili ang pagsilot o pagbilanggo sa mga bata, kundili ang pagpahadlok kanila aron malikayan ang paghimo og mga krimen.
Miingon siya nga gusto niya nga adunay “deterrent” (sumpo o babag) aron ang mga batan-on mag-amping sa ilang mga aksyon.
Kahinumduman nga ang isyu sa pagpaubos sa edad sa criminal responsibility nabanhaw human sa insidente sa pagpamusil sa Tacloban City diin tulo ka estudyante ang namatay.
Si Senador Robin Padilla usa sa mga nagduso alang sa pag-review sa nahisgutang balaodnon.
Apan, gisupak kini sa Akbayan Party-list ug giingon nga ang maong trahedya gigamit lamang aron ipasiugda ang usa ka balaodnon nga dili maayo para sa mga bata.
Gawas sa pag-usab sa Juvenile Justice Law, gusto usab ni Robin nga limitahan ang paggamit sa social media sa mga menor de edad.
