Giawhag sa mga opisyal sa Bureau of Fire Protection – Central Visayas (BFP-7) ang publiko sa ilahang kooperasyon aron malikayan ang insidente sa sunog ilabi na karong buwan nga buwan sa Marso nga gitanyag isip Fire Prevention month.
Kini ang panawagan sa mga kabumberohan sa rehiyon sa ilahang nahitabong opening ceremony activities diri sa dakbayan sa Sugbo kagahapong adlawa sa Dominggo, Marso 1.
Sumala pa sa mga awtoridad nga ang ilang panawagan kay nanukad para sa kaluwasan sa tanan ilabi na sa pamatsan nga kanunay mag-amping, pag-obserbas sa safety rules, ug pakig-alayon kanila sa pagpaminus sa risgo sa sunog.
Gihimug-atan sab sa tinuig nga kampanya sa kabumberohan ang kaandam batok sa sunog nga kasagaran musaka ang ihap sa mga insidente karong panahon sa ting-init.
Ang tema sa Fire Prevention month campaign sa BFP kay mao ang “Sa Pag-iwas sa Sunog, Hindi ka Nag-iisa,” sa awhag sa matag komunidad sa responsibilidad niini sa kaluwasan batok sunog.
Kahinumduman nga mikabat sa kapin 100 ka mga fire trucks ug emergency vehicles ang misalmot sa motorkada sa BFP-7 sa kadalanan sa dakbayan sa Sugbo niadtong Dominggo.
Kaabag sa matag Sugboanon ug Bisaya ang Bombo Radyo Cebu sa pagpahimangno nga kanunayon ang sakto pamatasan aron malikayan ang delubyo sa sunog sa atong komunidad.
