Gipahibalo sa Bureau of Fire Protection (BFP) nga andam na sila para sa Undas 2024 aron masiguro ang kaluwasan sa publiko.
Sumala sa BFP, nakataas na ang Code Red, ug 37,000 ka mga bumbero ang andam nga moresponde sa tibuok nasud. Nagplano sila sa paghimo og mga public safety patrol aron ma-monitor ang posibleng mga peligro sa sunog sa mga publiko nga lugar.
Naka-set up usab sila og mga Emergency Medical Service stations sa mga sementeryo aron dali nga makatabang sa mga tawo nga magkinahanglan.
Dugang pa, ang BFP magpadala og mga medical personnel, first aid supplies, ambulances, ug FAST (First Aid Service Team) motorcycles sa mga dagko nga dalan aron matabangan ang mga motorista.
Gipahinumdoman usab sa BFP ang publiko nga mag-amping sa paggamit sa kandila, lighter, ug posporo karong Undas aron dili kini mahimong hinungdan sa sunog.
