Gikatakdang pasidunggan ang P-pop girl group nga BINI isip “Global Force” honoree sa Billboard sa ilang umaabot nga seremonya sa Women in Music.
Ang pag-ila gipahibalo niadtong Abril 11, pipila ka oras sa wala pa ang makasaysayanong pasundayag sa grupo sa Coachella Valley Music and Arts Festival, diin sila ang unang all-Filipino act nga nipasundayag.
Tungod niini, ang BINI nahimong ikaduhang Filipina actress nga nakadawat sa award, sunod ni Sarah Geronimo niadtong 2024, ug ang unang Filipino group nga gihatagan niini nga pag-ila.
Ang ubang international artists nga pasidunggan sa kalihokan naglakip nila ni The Beaches, Kehlani, Laufey, Tate McRae, Teyana Taylor, Thalía, ug Zara Larsson.
Ipahigayon ang seremonya sa Hollywood Palladium sa Los Angeles sa Abril 29 ug i-stream online sa opisyal nga website ug YouTube channel sa Billboard.
Kahinumuduman, nga ang BINI bag-o lang gihatagan sa “Powerhouse” award sa Billboard Philippines, diin ang lider nga si Jhoanna mipaambit sa kamahinungdanon sa pagkamakanunayon ug paglahutay bisan pa sa mga hagit.
Ang grupo gilangkoban nila ni Jhoanna, Aiah, Colet, Maloi, Gwen, Stacey, Mikha, ug Sheena, ug nailhan sa ilang mga sikat nga kanta sama sa “Pantropiko,” “Salamin, Salamin,” “Lagi,” ug “I Feel Good.”
