-- ADVERTISEMENT --
Gilugwayan sa Bureau of Internal Revenue (BIR) ang deadline sa pag-file sa 2025 Annual Income Tax Returns gikan Abril 15 hangtod sa Mayo 15, 2026.
Sumala sa ahensya, kini aron mahatagan ang matag magbubuhis og dugang panahon sa pag-file sa hustong paagi, kompleto sa tanang gikinahanglan nga mga dokumento, nga dili mapahamtangan og mga silot.
Ang mga magbubuhis mahimong mosumite ug mobayad pinaagi sa mga electronic platform sa BIR o Authorized Agent Banks.
Gipasabot sa BIR nga ang paglugway sa deadline kabahin sa ilang mga lakang aron mas sayon ang pagbayad sa buhis para sa mga Pilipino, labi na taliwala sa padayon nga pagsaka sa presyo sa lana ug uban pang mga batakang palaliton.
