Cebu City-Balik na ang byahe sa mga sakayang pandagat nga una ng gikansela gumikan sa bagyong Samuel.
Kini human nga gilibkas na sa Philippine Coastguard 7 ang kanselasyon sa mga byahe sa mga barko paingon sa Cebu, Bohol, Negros Oriental, Siquijor, Leyte, Camotes, Misamis Oriental, Agusan Del Norte, Dinagat Island, Surigao Del Norte, Surigao Del Sur ug Camiguin.
Apan ang mga gagmay nga sakayang pandagat ang wala usa gitugutan nga makalawig sa kadagatan sama sa kadtong mga gigamit alang sa island hopping.
Ingon man usab ang mga mananagat, gi-discourage usa sila nga likayan usa ang paglawig sa kadagatan sa posibilidad nga mukusug ang hangin nga makadala sa dagkong mga bawod.
Samtang gipahimangnuan usab ni Cebu South bus Terminal Operations Manager Joy Tumulak ang mga pasahero paingon sa sa Bacolod, Zamboangga ug Dumaguete nga duna na daan mga na stranded sa mga pantalan sa habagatang bahin sa Sugbo ug dili na sila maka accomodate ug mga sakyanan nga isakay sa barko.
Unahon usab ang mga na stranded niadto pang Lunes.
