MANILA CITY-Gipugngan sa Bureau of Customs (BOC) ug Department of Agriculture (DA) ang pagsulod sa mga “unlawfully imported” nga orange sa nasud.
Sa usa ka pamahayag, ang BOC miingon nga ang supak sa balaod nga importasyon sa usa ka kargamento gikan sa Thailand, nga gilangkuban sa 3,200 ka karton sa presko nga oranges nga mobalor og P8.422 milyones, napakyas sa Manila International Container Port (MICP) human nasuta nga wala kini import sanitary clearance gikan sa Bureau of Plant Industry (BPI).
Gibutyag ni Customs Intelligence and Investigation Service (CIIS) director Verne Enciso nga ang “derogatory information” nga nadawat sa iyang unit gikan sa BPI maoy hinungdan sa pagkasakmit sa maong kargamento.
Samtang, ang BOC nagkanayon nga ang mga representante gikan sa CIIS, Enforcement and Security Service, Customs Anti-Illegal Drug Task Force, X-ray Inspection Project, ug Philippine Drug Enforcement Agency (PDEA) anaa atol sa 100% physical examination sa mga subject nga mga butang.
Midugang ang Customs nga ang mga undocumented oranges gipaubos sa K-9 sweeping sa PDEA personnel, hinuon walay nakitang mga illegal drugs sulod sa kargamento.
Ipaubos ang mga nakompiska nga oranges sa condemnation proceedings ubos sa DA Department Order No. 09, series of 2010, aron maseguro nga dili makaabot sa lokal nga merkado ang maong mga produkto.
Samtang ang mga rekord sa kaso sa importasyon gi-refer usab ngadto sa Bureau Action Team Against Smuggling alang sa pagtukod og kaso ug sa kataposang pag-prosekusyon sa mga personalidad luyo sa maong lakang nga supak sa pag-import may kalabutan sa mga produkto sa agrikultura.
