BOHOL-Gisuspenso si Bohol Gobernador Erico Aris Aumentado sulod sa unom ka buwan tungod sa kontrobersyal nga resort nga gitukod sa tiilan sa Chocolate Hills.
Gipahibaw sa gobernador ang maong suspension order niadtong Martes, Mayo 28 diin gawas niya aduna pay laing 68 ka mga opisyal sa Kapitolyo sa Bohol ang naapil.
Lakip na niini kay sila Bise Gobernador Victor Balite, mga mayor, ug maski ang mga present and former officials ang nakadawat og kamanduan gikan sa Ombudsman alang sa preventive suspension.
Ang desisyon nagsumikad sa bag-o nga mga kaso nga gisang-at batok kaniya ug sa probinsya kabahin sa pagtukod sa usa ka kontrobersyal nga resort sa UN Heritage site nga Chocolate Hills.
Sa iyang nahimong pamahayag diin iyang gihimug-atan nga wala
siya nasayod sa pag-abrobar sa operasyon sa naasoy nga resort
ug ingon man nga maayo ang iyang pagdumala sa probinsya.
Subay sa maong pagsuspenso sa gobernador, nipasalig kini nga
mobalik human sa iayng suspension nga 6 ka buwan.
