Miluwat og pamahayag si Office of the Civil Defense Regional Director Joel S. Erestain, nga ang lugar sa Bohol ug pipila ka mga probinsya sa Sugbo nakitaan og posibilidad nga adunay active fault line.
Pipila sa mga lugar nga nalangkob sa adunay active fault line nga mga luagr sa probinsya sa Sugbo mao ang mga lugar sa amihanan sa Bogo; San Remegio ug pipila ka mga lugar usab sa habagatang bahin sa sugbo, nga adunay probable active fault line mao ang mga probinsya sa Dalaguete; Sibonga ug Badjan.
Gibutyag usab ni Erestain, nga ang mga naasoyng lugar, wala pa makitai og historical facts, sanglit padayun gihapon ang pag obsebar niini, pinaagi sa pagbutang og observatory sa San Fernando.
Dugang usab sa Regional Director, nga dili angay ikabalaka sa mga anaa sa Central Visayas tungod kay geographically strategic ang lugar.
Giklaro usab ni Erestain, nga dili pagpanghadlok ang gipahigayung pagpahibalo sa mga kataw-ahan, kung dili pagpahimangno alang sa pagpangandam sa umaabot nga mga katalagman.
