CEBU CITY-Dali nga gihiklin ang mga pasyente sa Borja Family Hospital sa Tagbiliran City Bohol human nga makadawat og bomb threat pasado alas 2 kaganinang hapon.
Basi sa imbestigasyon, giingong adunay mitawag nga usa ka tagalog speaking nga lalaki ug walay caller ID ang nagpahibaw nga magbantay kay naay mubuto nga bomba sa 2nd floor sa naasoy nga hospital.
Dali usab nga miabot ang tag-iya sa hospital ug dali nga gipahiklin ang gatusan ka mga pasyente. Miresponde hinoon dayon ang mga pulis ug SWAT sa area ug gi-inspeksyon ang palibot.
Pasado alas 5 sa hapon na-cleared ang lugar ug matud sa mga pulis nga walay nakita nga bomba didto.
Bisan paman padayon karon ang pag-imbestigar sa maong incidente ug ang pagkatao sa nanawag tungod kay nasayran nga kasamtangan karong gipahigayon sa Bohol ang Association of Southeast Asian Nations o ASEAN.
