Sugyot sa kagamhanang dakbayan sa Sugbo ang pagpalit og kaugalingong breath analyzers aron sa pagpatuman sa anti-drunk driving laws ilabi na sa miulbong kontrobersiya sa Banilad hit-and-run accident nga mipatay og pedestrian tungod sa barambadong pagmaneho sa usa ka hubog nga drayber.
Kini ang gisugyot ni Cebu City Vice Mayor Tomas “Tommy” Osmeña atol sa post niini sa iyang social media account sa pagpadayag og pahasubo sa nahitabo ni Kingston Ralph Cheng, kinsa maoy biktima sa reckless driving ni Sean Andrew Pajarillo niadtong Enero 8.
Matod pa sa bise mayor nga giplanohan nila karon ang direktang pagpamalit sa maong ekipo kaysa sa maghuway sa procurement gikan sa nasudnong ahensya nga makapalangan sa pagpamalit.
Gidugang sab ni Vice Mayor Osmeña nga mumando pud sila sa Cebu City Police Office (CCPO) nga mag-istasyon og mga personahe sa mga iladong establisyemento sa imanan sa syudad aron mapugngan ang lain insidente sa drunk driving.
Ingon man nga ang konseho sa dakbayan kay magpahigayon sa b og public consultation para sa igpapanday nga ordinansa sa syudad sa pagpugong sa drunk driving.
Sa samang bahin, namahayag sab si Land Transportation Office – Central Visayas (LTO-7) OIC Regional Director Francisco “Franz” Ranches Jr. atol sa eksklusibong pakighinabi niini sa Bombo Radyo Cebu News Team nga mutunol sila og kapin 12 ka units sa breath analyzer sa Cebu Police Provincial Office (CPPO) aron magamit niini sa deputization sa anti-drunk driving law nga calibrated na daan aron andam nang magamit.
Gidugan pa niini nga possible karong semanahuna nila ini mahatag sa kapulisan sa probinsya base na sab sa ilang koordinasyon sa Office of the Governor sa Cebu Provincial Capitol sa pag-deputized sa balaod batok pagmanahenong nga impluwensiyado sa ilimnong makahubog.
