Gibutyag sa usa ka empleyado sa contractor sa SYMS Construction ngadto sa Sandiganbayan nga giingong nakahatag sila og P299 milyon nga kwarta nga giingong gibutang sa mga grocery box ngadto sa opisina kang kanhi Department of Public Works and Highways (DPWH) Assistant District Engineer Brice Hernandez.
Diin ang saksi, giila nga si Monica Ocampo-Santos, usa ka liaison officer sa SYMS Construction, mipamatuod nga ang maong kwarta giingong alang sa lima ka proyekto sa government infrastructure nga nakuha sa kompanya gamit ang lisensya nga gipahulam ni Hernandez kanila.
Sa iyang pamahayag, si Ocampo-Santos miingon usab nga ang bahin sa P299 milyon nga kantidad kay P74 milyon nga may kalabotan sa giingong mga ghost project nga nagkantidad og P92.8 milyon sa Pandi, Bulacan.
Gipakita usab niya sa korte ang mga mensahe sa iskedyul sa paghatud sa kwarta ngadto sa kanhi opisyal sa DPWH.
Atol sa samang hearing, si Ocampo-Santos miingon usab nga daghang mga opisyal sa DPWH lakip na si Hernandez ug uban pang mga district engineer ang mga principal sponsor sa iyang kasal, nga giingong gihangyo usab sa iyang amo.
