Kung engagement ring na ang hisgutan, usa kini ka importanteng butang para sa mga bride-to-be.Ug ingon man kinahanglan kini og dugay nga pagtigom sa groom-to-be sanglit dili man basta-basta ang presyo sa usa ka engagement ring.
Apan talagsaon ang nasinati sa usa ka bride-to-be nga wala nagpa-ila human nga ang iyang fiance ang namakak kaniya.Gibakakan kini nga tinood nga diamond ang gihatag niini nga engagement ring apan diay usa lang ka peke.
Matud sa maong babae nga nauwaw siya human nga ang mag-aalahas mismo ang mibutyag sa babae nga peke ang diamond sa singsing.
Sa dihang gikompronta sa babae ang iyang fiance miingon lang matud pa kini nga walay kalahi-an ang peke nga diamond og ang tinood ug dili man usab masayod niini ang iyang mga higala.
Sigon sa bride-to-be nga wala nakuha sa iyang pamanhunon ang iyang punto diin naglagot siya kay siya gibakakan.
Tungod niini, boot na siyang makigbuwag.
