Cebu City-Gikondenar sa Commision on Human Rights (CHR-7) ang pagkamatay sa usa ka studyante sa may Brgy. Tinago dakbayan sa Sugbo kinsang brutal nga gipatay diin natusak-tusak ang lawas niini sa dinunggaban.
Matud ni Atty. Arvin Udron ang Regional Director sa CHR-7 nga gikondenar kini nila sanglit usa man kini sa ilang tahas ilabina kay babae ang biktima.
Sayod matud ta nga ang mga kababayn-an ang mga vulnerable sa komunidad ug kung sa kultura usab, ang lalaki ang mas hawod itandi sa mga babae. Tungod niini, gipahibaw ni Atty. Udron nga mamahimo sila nga musulod niini ug i-apil kini sa ilang imbestigasyon.
Dugang pa ni Udron nga mamahimo usab sila mga musulod kung ang mga biktima mga gi-abuso nga PWD, Senior citizen ug mga babae.
Apan gipasabot usab ni Udron, nga ang trabaho sa CHR mao ang pagmonitor sa gobyerno kung kini nagbuhat ba sa ensakto ug kung wala bay katungod sa tao nga natamakan tungod sa ilang gahom.Samtang ang ubang kaso sa mga krimen nga walay kalambigitan ang gobyerno, ang pulis na matud pa ang mu-imbestigar niini kay mao kini ang ilang trabaho.
Sa maka-usa pa gipasabot ni Udron nga sayop ang pagtoo sa publiko nga ang mga kriminal lang ang ilang labanan. Gitino sa Regional Director nga ang tan-awon nila dili ang status sa biktima inay ang perpetrator kun ang sad-an.
Ug kung ugaling ang gobyerno ang perpetrator kun nagbuhat sa ingon natural mente musulod gyud dayon ang CHR kay mao man kini ang ilang original mandate
