Padayong mitaas ang cash remittances gikan sa Overseas Filipino Workers (OFWs) nga niabot sa US$2.98-bilyones niadtong Agosto 2025, diin misaka ug 3.2% gikan sa US$2.89-bilyones niadtong Agosto 2024.
Ang land-based OFWs miamot og US$2.35-bilyones samtang ang sea-based nga mga trabahante niamot og US$626-milyones.
Sa kinatibuk-an, gikan sa Enero hangtod Agosto 2025, ang mga remittance misaka sa US$22.91-bilyones, gikan sa US$22.22-bilyones sa miaging tuig.
Ang Estados Unidos nagpabilin nga nag-unang tinubdan sa mga remittance, gisundan sa Singapore ug Saudi Arabia.
Tungod sa pag-usbaw sa cash remittance, ang personal remittance misaka usab ngadto sa US$3.31-bilyones gikan sa US$3.20-bilyones niadtong Agosto 2024.
Sa kinatibuk-an, ang mga personal remittance miabot sa US$25.51-bilyones gikan sa Enero hangtod Agosto 2025, 3.1% nga mas taas kun itandi sa parehas nga panahon niadtong 2024.
