Giila na usab si Bangko Sentral ng Pilipinas (BSP) Governor Eli Remolona, Jr. isip usa sa labing maayong mga pangu sa mga central banks sa kalibutan sa ikaduhang sunod-sunod nga tuig, nga nakadawat og “A-” nga rating sa prestihiyosong Central Banker Report Cards sa Global Finance magazine 2025.
Sa usa ka pamahayag niadtong Huwebes, Septiyembre 4, ang BSP miingon nga ang prestihiyosong report card kay nag-evaluate sa mga central banker gikan sa dul-an sa 100 ka mga nasud, nga naggrado kanila tali sa A+, ang pinakataas, ug F, ang pinakaubos.
Ang mga rating gibase sa pagkontrol sa inflation, pagtubo sa ekonomiya, kalig-on sa salapi, pagdumala sa interes, ug kagawasan sa pamatigayon sa maong mga banko.
Gipaambit ni Remolona ang “A-” nga rating sa mga pangulo sa mga sentral nga bangko gikan sa Cambodia, Czech Republic, Dominican Republic, Egypt, Ethiopia, European Union, Guatemala, Mongolia, Serbia, Singapore, South Africa, Taiwan, ug Uganda.
