BSP, naglantaw sa 0.9% ngadto sa 1.7% nga inflation rate sa natapos nga buwan sa Mayo

Gipanglantawan sa Bangko Sentral ng Pilipinas (BSP) nga sa buwan sa Mayo 2025 kay adunay kini gibana-bana nga inflation rate 0.9% ngadto sa 1.7%.

Kung matuman ang ubos nga tumoy sa projection, ang inflation rate mao ang labing ubos sukad sa 0.6 porsyento nga natala kaniadtong Oktubre 2019.

Bisan pa niini, ang BSP nag-ingon nga kini mahimong ma-offset kini tungod sa nagkataas nga presyo sa produktong utanong ug karne sa kamerkadohan.

Ang inflation kay mitibugsok sa 1.4% sa Abril ning tuiga, ang pinakaubos sukad Nobyembre 2019.

Ang data sa inflation sa Mayo 2025 ipagawas sa Philippine Statistics Authority karong umaabot Hunyo 5.