Mimugna na sab og laing pag-alburuto ang Bulkang Kanlaon sa Islang Rehiyon sa Negros kagahapong adlawa sa Dominggo, Mayo 4, 2025.
Ang maong volcanic activity sa bulkan kay namatyag sa monitoring sa mga sakop sa Philippine Institute of Volcanology and Seismology (Phivolcs) dii sa datos niini sulod sa 24 oras niadtong nahisgutang adlaw kay 7 ka mga pagtay-og sa yuta o volcanic earthquakes ang namugna.
Gani niadtong nakalabayng adlaw sa Biyernes, Mayo 2 kay nakabuga sab ang bulkan og 2,781 ka mga tonelada sa Sulfur Dioxide Flux (SO2) diin misaka kino sa 75 meters sa crater sa bulking.
Napalid sa habagatang-kasadpang direksyon ng maong abo nga makaapekto sa mga komunidad palibot niini.
Padayon nga nakasaka ang Alert Level 3 (magmatic unrest) niini tungod sa padayong nabantayang paghubag sa apingan sa bulkan.
Hugot nga gipagbawal gihapon sa mga awtoridad ang pagpalupad og bisag unsang klase sa eroplano o drones duol sa bulkan aron dili makamugna og risgo sa pipila ka mga indibidwal.
Nagpahimangno sab kini sa tsansang higayonnga kalit mubuto ang Kanlaon, pagbuga sa lava, pag-ulan og abo, ug ang pagtumaw sa Pyroclastic Density Current (PDC).
