Mitala og bag-ong pag-uyog sa yuta o volcanic quakes ang Bulkang Kanlaon sa Negros Island Region matod pa sa Philippine Institute of Volcanology and Seismology (PHIVOLCS) niadtong Sabado, Pebrero 22, 2025.
Ang maong pagtay-og sa yuta kay nahitabo niadtong Biyernes, Pebrero 21 diin mipakugang kini sa probisya sa Negros Occidental ug Negros Oriental sa pagbugwak sa bulkan og 1,857 ka tonelada sa sulfur dioxide.
Ang mga nasayrang pagbugwak sa abo kay natalang sa crater sa bulkan nga miabot sa gitas-on nga 75 meters og napalid sa kasadpang direksyon.
Matod sa PHIVOLCS nga padayon naghubag ang baba-an sa bulkan nga timaan sa presensya sa magma nga nag-ong-ong niini.
Padayon giisa sa ahensya ang Alert Level 3 (Intensified Unrest o Magmatic Unrest) sa maong bulkan.
Pabiling gipatuman sa PHIVOLCS amg six-kilometer radius danger zone gikan sa summit sa bulkan nga nagdili gihapon sa mga eroplano ug mga indibidwal nga musulod niini.
Pahimangno sa ahensya ang mga risgo sa bulkan sama sa kalit nga pagbuto, lava flow, ashfall, pyroclastic density current or PDC, rockfall, ug mismong lahar flow sa higayon makasinati og kusog nga pag-uwan
