Mibuto na sab ang bulkang Kanlaon niadtong Huwebes sa gabii, Pebrero 26, 2026.
Kini ang gipamahayag sa Philippine Institute of Volcanology and Seismology (Phivolcs) diin anaa sa pasado alas-7:04 sa kagabhion nahitabo ang pagbuto sa bulkan.
Ang mga residente sa duol nga dapit kay mitaho nga nakadunggog sila og dakong lagubo nga mas kusog pa sa kidlat.
Kasamtangang anaa sa Alert Level 2 ang bulkan sa “Increased Unrest” status niini diin gipanglantawan sa pagkakaron ang gilapdon sa kadaot sama sa ashfall, volcanic plume height ug ang posibelng mga epekto niini sa mga nagpalibot nga komunidad.
Kahinumduman nga niadtong Pebrero 20, ang Kanlaon kay nagpahinabo sab sa 40-minute ashflow niini nga adunay 2,000 meters ang gitas-on sa pag-ulbo sa abo gikan sa babaan sa bulkan nga nakahatag og kadaot sa dakong bahin sa Negros Island Region.
