Andam ang Cambodia ug Thailand nga ikonsiderar ang ceasefire human nga ang panagsangka sa utlanan tali sa duha ka mga nasud mas nigrabe pa.
Matud sa Malaysian Prime Minister nga siya adunay direkta nga komunikasyon sa iyang mga katugbang sa Thailand ug Cambodia ug nag-apelar sa duha ka mga lider alang sa pagminus sa panagbangi.
Sa iyang gipaambit, nakigtabi na kini kang Prime Minister of the Kingdom of Cambodia, Hun Manet, ug kang Acting Prime Minister of the Kingdom of Thailand, Phumtham Wechayachai, diin nagpadayag sa kabalaka sa Malaysia sa nagkadako nga tension sa ilang utlanan.
Gani, sa kapasidad sa Malaysia isip ASEAN Chair sa 2025, direkta kining nag-apelar sa duha ka mga lider alang sa usa ka hinanaling ceasefire aron mapugngan ang dugang nga mga panagsangka ug paghimo og luna alang sa malinawon nga dayalogo ug diplomatikong resolusyon.
Ingon man nga positibo nga uyon ug andam ang duha sa paghunong sa gubat.
