CEBU CITY-Gihulagway ni former house speaker Jose De Venecia nga usa sa mga labing dako nga Pilipino ug leader sa Catholic Church dili lang sa Pilipinas kundi hasta na sa Asya ug sa tibook kalibutan si Archbishop Emeritus Ricardo Cardinal Vidal.
Kini mao ang paghulagway ni De Venecia sa dihang mi-abot kini sa Cebu Metropolitan Cathedral kaganihang hapon para bisitahon si Cardinal Vidal.Matud niya nga simbolo kini sa pagpakita niya og kadungganan sa gitawag niini og “great son of the church”.
Sigon usab ni De Venecia nga dili niya malilimtan ang cardinal tungod kay nahimo kini niyang spriritual adviser niadtong House Speaker pa siya.Gani si Cardinal Vidal pa ang giingong nag-awhag niya nga maglaunch og reform movement sa house of representative.
Gihimug-atan ni De Venecia nga dakong kawad-on sa mga Cebuano ang pagkamatay ni Cardinal Vidal tungod kay bisan paman og dili kini lumad nga taga Cebu mas Cebuano pa ang kina-iya niini.
Dugang pa ni De Venecia nga muabot pa og usa ka gatos ka tuig ayha pa mailisan ang usa ka Cardinal Vidal.
