Target ni two-time Olympic champion Pinoy gymnast Carlos Yulo nga makakuha sa iyang kauna-unahang bulawang medalya sa Asian Games nga ipahigayon sa Aichi-Nagoya, Japan karong bulan sa Setyembre.
Mosalmot siya sa men’s artistic gymnastics competition kung diin makauban niya ang iyang igsuon nga si Eldrew Yulo ug uban pang Pinoy gymnasts nga sila si Justine Ace De Leon, Miguel Besana, ug Zachary Cortins Nunez.
Bisan pa man nga aduna na siya’y 12 ka gold medals gikan sa Asian Championship, wala pa gyud nakakuha og bulawang medalya si Yulo sa Asian Games.
Niadtong 2018 Asian Games, nangu man tuod si Yulo sa qualification para sa floor exercise, apan nahulog ra siya sa ika-pito nga puwesto sa finals.
Samtang wala usab makadula ang Filipino gymnast niadtong 2023 Asian Games sa Hangzhou, China tungod kay gipili niyang mosalmot sa World Championships didto sa Belgium. Bisan pa man niini, si Yulo ang gitan-aw nga adunay purohan karon nga modaug sa floor exercise ug vault category sa maong dula.
