-- ADVERTISEMENT --
CEBU CITY-Gi-aprobahan sa Catholic Bishops’ Conference of the Philippines (CBCP) ang sugyot sa Roman Catholic Archdiocese of Cebu (RCAC) nga magtukod ug bag-ong mga diocese sulod sa ilahang ecclesiastical jurisdiction atol na sa ika-126 nga plenary assembly niini.
Gipahibalo ni Cebu Archbishop Jose Palma nga kagahapong adlawa, Hulyo 9, mainiton nga gihangop sa tanang obispo sa CBCP ang plano nga “Sugbuswak” sa RCAC.
Ang Sugbuswak mao ang kombinasyon sa pipila ka mga pulong, Sugbu, ang Cebuano nga ngalan sa Cebu; ‘sugwak’ diin nagpasabot ug mobuswak, sama sa dugo ug tubig gikan sa gidugang kilid ni Kristo,ug ang ‘buswak’ nga nagpasabot ug mamuwak.
Kini matud pa ang haum nga ngalan sa pagmugna ug mga bag-ong archdiocese sa Sugbo.
