Nagkaduol na ang oras sa pagsugat sa pasko, ilabi na sa katawhang Pilipino, ug ingun man sa mga Kristiyano.
Mga ihukad sa matag lamesa, gipang andam na, apan, ang matag matang sa pagkaon ug panagtapok sa isig katawhan ug kapamilyahan, ma walay bili kon walay bisbis sa labawng makagagahom.
Busa, sa pipila ka pitik ug tuyok sa orasan nga nahabilin mga Ka-Bombo sa dili pata mosugat sa pasko karong tuiga, nipadangat sa iyahang mabililhong ug mabungahong mensahe si Archbishop Gilbert Garcera, D.D. , ang Catholic Bishops’ Conference of the Philippines President.
Matod ni Archbishop Gilbert, nunot sa selebrasyon sa pasko, siya nanghinaot nga ang espiritu sa Pasko maanaa sa atong mga kasingkasing ug magiyahan ang atong mga kalihokan nga buot buhaton.
Gihimug-atan usab niini ang makanunayong pagbitbit sa kalinaw, hustisya, ug presesbya sa Dios sa atong komunidad.
