Gikompirmar sa Taiwanese maritime authorities nga 2 ka Chinese vessels ang naka-intercept sa usa ka Taiwanese fishing vessel nga Tachinman 88 sa Kinmen archipelago nga duol sa baybayon sa China apan kontrolado kini sa Taiwan.
Giingon nga ang mga personahe sa Chinese Coast Guard misakay sa Taiwanese boat ug dayon gidala kini sa usa ka pantalan sa mainland China.
Daling gi-deploy sa Taiwan ang 3 ka barko aron sa pagluwas sa Tachinman 88 apan usa niini nga nakaduol sa fishing boat ug gibabagan sa mga Chinese boat ug giingnan nga dili manghilabot.
Hinungdan nga ang habig sa Taiwan napugos sa paghunong sa pagluwas sa maong fishing boat aron malikayan ang pag-usbaw sa tensyon human namatikdan sa mga awtoridad sa Taiwan ang 4 pa ka mga barko sa China nga nagpadulong sa ilang direksyon.
Sa usa ka pahayag, ang Taiwan Coast Guard nanawagan sa China nga likayan ang pag-apil sa pagmaniobra sa politika ug aron malikayan ang makadaot nga mga relasyon sa cross-strait ug buhian ang barko nga Tachinman ug ang mga tripulante niini sa labing dali nga panahon.
Matud pa nga ang sakayan nga pangisda adunay 6 ka lakip ang kapitan ug 5 nga mga migranteng trabahante.
Dili klaro ang rason sa gihimo sa CCG, apan posibleng may kalambigitan kini sa tensyon tali nila ug Taiwan, nga giingong kabahin sa ilang teritoryo.
Kahinumduman nga niadtong Pebrero ning tuiga, gihingusgan sa China ang pagpatrolya sa maong kadagatan human nalumos ang 2 ka mananagat nga Chinese samtang gigukod sa Taiwanese Coast Guard sa Kinmen Sea.
