CEBU CITY-Gipasalamatan ni Police Colonel Gemma Vinluan, ang bag-ung director sa Cebu City Police Office, ang Cebu City Government sa supurta niini sa kapulisan.
Gibutyag ni PCol. Vinluan nga daku ang iyahang pagtu-u nga masandigan gayud sa kapulisan ang LGU ubus sa bag-ung administrasyon ni Cebu City Mayor Edgardo Labella.
Subay niini, iyahang saad nga mas doblehon pa ang effort sa kapulisan sa pagbantay sa kahapsay ug kalinaw sa dakbayan sa Sugbo.
Samtang, hatagan ug tig-10 ka sakong bugas ni Mayor Labella ang matag police station ubus sa CCPO isip pagsupurta sa mga ipahigayun nga feeding program sa kapulisan.
Nasayran nga ang bugas nga ipanghatag sa LGU mao ang sobra sa mga sinakong bugas nga gihatag ngadtu sa mga habalhabal driver sa panahon ni Tomas Osmeña. (SBR)
