CEBU CITY-Sugdan sa Cebu City Transportation Office CCTO sa Enero 2024 ang sunod-sunod nga information campaign ang kalabot sa girekomendar nga NO PARKING og NO ILLEGAL STRUCTURES sa duha ka mga karsada nga agian sa tulo ka mga prosisyon atol unya sa Fiesta Senor 2024.
Hingpit nga did-an ang pag-parking ug pagbutang o pagtukod og mga imprastraktura nga gamiton sa pagpaninda gikan sa F. Ramos ngadto na sa dalan Junquera sa Enero 11,2024, Enero 19, 2024 og Enero 20, 2024.
Mao kini ang mga schedule alang sa Penetintial Walk With Jesus, Walk With Mary, ingon man sa “solemn foot procession”.
Matud pa ni CCTO Head Raquel Arce nga i-towing ang mga sakyanan nga masakpan nga mo-parking sugod sa gabii sa Enero 11, 19, 20, 2024 ilabi na sa kadlawon nga pagahimoon ang prosisyon sa Walk With Jesus and Mary.
