CEBU – Daghang energy distributors dinhi sa Sugbo ang nagpahamtang og usbaw sa singil sa kuryente tungod sa padayong pagsaka sa gasto sa gasolina.
Subay niini, bag-ohay lang nipahibaw ang Cebu Electric Cooperative III (Cebeco III) nga anaa na sa anaa na sa P12.93 matag kilowatt-hour (kwh) ang bag-ong power rate sa mga konsumidor sa panimalay nga naggamit og hangtod sa 100 kwh sa kuryente.
Epektibo ang adjusted power rate karong Hunyo, nga P2.20-usbaw kung itandi sa P10.73 matag kwh rate nga gipatuman niadtong Mayo.
Ang padayong pagsaka sa presyo sa petrolyo maoy nakaaghat sa Cebeco III sa pagpasaka usab sa ilang generation charges og hangtod sa P2.04 tungod nagkuha sila og enerhiya gikan sa coal power plants sama sa Toledo Power Company (TPC).
