Giawhag ni Cebu 3rd District Representative Pablo John Garcia ang iyahang igsoon nga si Cebu Provincial Governor Gwendolyn Garcia nga mu-comply na sa kamandoan sa Ombudsman sa unom ka buwan sa preventice suspension niini.
Kini nga pamahayag ang giluwat ni Pablo John pinaagi sa iyang Facebook Account diin namulong kini sa iyang “unsolicited advice” ngadto sa gobernadora.
Ang unom ka buwan nga preventive suspension ni Gov. Gwen Garcia kay nunot sa kamandoan sa Office of the Ombusman mahitungod sa alegasyong nakalapas kini sa Code of Conduct and Ethical Standards for Public Officials sa dihang mitugot sa paghatag og special permit sa Shalom Construction Incorporated sa pag-quarry ug desilt sa Mananga River nga kabahin sa Central Cebu Protected Landscape.
Gani nanghinaot si Pablo John nga mutuman ang gobernadora sa mando sa Ombudsman og ipahimutang sa korte ang tanang mga legal argument ug remedies niini.
Gitawag kini niya nga usa lang ka bagyo sa karera sa politika sa gobernadora ug makalingkawas ra kini susama sa iyang kadaugang sa mga nakalabayng hagit nga naagian.
