Cebu adunay pinakataas nga gidaghanon sa mga poor hosusehold sa Central Visayas

CEBU – Nagpabilin nga adunay pinakataas nga gidaghanon sa mga kabus nga panimalay ang Cebu Island sa Rehiyon 7 o Central Visayas.

Base sa detalye sa Department of Social Welfare and Development in Central Visayas (DSWD-7) Listahan 3 poverty database, adunay 220,112 ka mga panimalay sa 453,961 ka mga kabus nga panimalay sa Rehiyon 7, ang gikan sa Sugbo.

Matud pa ni Donaldo Rey Dojacto, regional information technology officer II, nga nag-una usab ang Sugbo atol sa una ug ikaduhang assessment niadtong 2009 ug 2015.

Dugang pa ni Dojacto nga tungod usab kini kay ang Cebu adunay labing dako nga populasyon sa Rehiyon 7.