Cebu Archbishop Palma, miawhag sa tanan sa pagduyog alang sa pag-ampo sa kaayuhan ni Santo Papa

CEBU CITY- Mapaubsanong nagdapit si Cebu Archbishop Jose S. Palma sa tanan alang sa pagduyog sa pag-ampo alang sa kaayohan ni Pope Francis.

Kini subay sa giatubang nga hagit karon ni Pope Francis sa gipamati sa lawas hinungdan nga giawhag ni Palma ang tanang magtutuo nga maghiusa sa pangaliya alang sa kaayohan sa Santo Papa.

Kahinumduman nga gibutyag sa Vatican nga si Pope Francis adunay pneumonia sa duha niini ka baga.

Diin basi kini sa resulta sa chest CT scan nga gihimo sa 88 anyos nga Santo Papa.

Tungod niini, nagkinahanglan pa siya og dugang panahon nga pagtambal.