Nanawagan sa pag-ampo si Cebu Archbishop Alberto “Abet” Uy sa publiko alang sa mga biktima sa nahitabong landfill landslide sa Prime Waste Solutions Cebu landfill facility sa bukirang bahin sa dakbayan sa Sugbo niadtong Enero 8, 2026.
Ang arsobispo mipahayag nga gikinahanglan sa mga biktima ug sa ilang mga kabanay ang pagtuo sa pag-ampo aron makahatag og kahupayan, kusog, ug proteksyon sa ilang pagbangutan sa nagpadayon pang search and retrieval operations.
Gipanawagan pud niini ang pag-ampo para sa mga responders ug rescuers nga nagtrabaho og way hupay sa lugar diin ilang gi-risgo ilang kaugalingon aron makaluwas og kinabuhi.
Nanalangin kini sa Labawng Makagagahum ang kusog nga mulahutay, kaalam, ug proteksyon sa mga mirespondeng personahe aron magmalampuson ang ilahang misyon.
Giampo pud niini si Cebu City Mayor Nestor Archival Sr. ug mga opisyales sa kagamhanang dakbayan nga maoy nag-assess sa kadaot sa insidente nga sa unta ang Espiritu Santo mugiya nila para sa kasulbaran sa tanan sugyot ug pangutana.
Ulahing pamulong sa arsobispo nga ang atogn pagtuo makapalihok kanato sa panaghiusa, kaluoy, ug konkretong suportang nga madalit sa mga apektadong komunidad.
