Gibutyag ni Cebu Provincial Board Member Celestino “Tining” Martinez, nga daan na nilang gipanglantawan nga aduna gayuy moabut pa nga mga aftershocks human sa 6.9 magnitude nga linog sa dakbayan sa Bogo.
Kini ang gibutyag ni Martinez human sila gipahimangnoan sa Philippine Institute of Volcanology and Seismology kon PHIVOLCS nga aduna pa motumaw nga mga aftershocks hangtud sa buwan sa Disyembre./
Sigon usab sa opisyal nga aduna gayuy mga natandog nga mga panimalay ug edipesyo gumikan sa pagtay-ug usab sa yuta nga mitala og 6.0 magnitude niadtong Lunes Octobre 13., dugang usab niini nga daan na kining naapektuhan sa nakalabayng linog apan gisusi pagbalik aron sutaon angayan pa bang tukoran pagbalik ug aron ma assess kung nasulod ba siya sa kategoriya sa partially or totally damaged.
Gisaysay usab ni Martinez nga sagad sa mga nangaangol panahon sa linog nga anaa sa mga tambalanan kasagaran namauli na sa ilang mga lugar, apan gikabalak-an usab niini ang possibleng pagtaas sa kaso sa trauma sa mga tawo sa nahitabong linog, hinungdan nga possible usab nga magdeploy pagbalik ug mga mental health experts aron nga maobserbaran usab ang mga pasyente.
Nanghinaot usab ang maong opisyal nga unta wala nay lain pang motumaw nga aftershocks bisan paman sa pasiunang pahibaw sa Office of the Civil Defense nga hangtud pa sa buwan sa Disyembre ang mga pagtay-og.
Dugang pa ni Martinez nga sa pipila ka adlaw human nahitabo ang linog, hinay-hinay na usab nga nahatag ang mga panginahagnglanon sa mga apektado sama sa mga pagkaon, tubig ug tents apan usa sa gipanglantawan ninii nga unta makabalik na sa trabaho ang sagad sa mga trabahante aron sa pagpadali sa pagtukod sa mga kinahanglanong tukoron pagbalik.
Gibana-bana usab nga moabut sa 1,000 ka nga tent ang napatukod nga mga tent alang sa mga apektadong pamilya, samtang nanghinaot usab si Tining nga makabalik ang mga biktima sa ilang panimalay.
