PROVINCE OF BOHOL- Nanghinaot si Cebu Provincial Governor Pamela “Pam” Baricuatro nga papaspasan ang proyektong imprastruktura sa pagtukod og taytayan o expressway bridge tali sa mainland Cebu ug sa Bohol aron sa kalambuan sa nahabiling lalawigan sa Central Visayas.
Kini ang gipamahayag ni Gov. Baricuatro atol sa pakighinabi niini sa mga sakop sa tigbalita kagahapong adlawa, Miyerkules, Hulyo 30 diin gisaysay niini nga kauban si Bohol Provincial Governor Erico Aris Aumentado kay ila na kining gi-lobby nga madayong ang proyekto sa labing dali nga panahon.
Naghinaot nga sa higayong nga mapatukod na kay makapalambo kini sa ekonomiya ug turismo sa duha ka lalawigan.
Gani ang Regional Development Council – Central Visayas (RDC-7) kay mihatag na sa pag-aprobar pag pagpatukdo sa maong taytayan nga adunay gitas-on sa 25 kilometros nga mulatay sa mainland Cebu, Mactan Island, Olango Island, hangtod maabot sa mainland Bohol.
Kahinumduman nga unang gipasiugdan ang proyekto niadtong tuig 2026 ng akabahin sa programa sa nakalabayng administrasyong ni former President Rodrigo Duterte nga Build, Build, Build apan tungod sa kaminus sa pamuhunan ug kabulay-og sa pagdumala kay wala kini mahinayon.
