CEBU CITY – Gibutyag ni CFI Chairperson Atty. Winston Garcia nga mopasaka og kaso ang CFI batok sa Joint Venture Selection Committee (JVSC) kung pakyas kini nga mopagawas sa mga dokumento nga gibayaran sa buhatan.
Una niini nangayo ang CFI Community Cooperative sa Cebu City Government sa dugang detalye sa gidusong Joint Venture Agreement (JVA) alang sa pagpalambo sa Carbon Market.
Kini human gi-kwestiyon sa manlalaban ang proposed JVA subay na sa planong pag-develop sa Freedom Park ngadto sa condominium complex diin dako matod pa ang posibilidad nga mada-ot sa maong plano ang historical value sa lugar.
Lakip sa gibutyag ni Atty Garcia nga kasuhan si Cebu City Administrator ug ang Chairperson sa Joint Venture Selection Committee Atty. Floro Casas subay sa alegasyong paghatag niini og higayon sa naasoy nga proposal.
Kasong estafa ug administrative charges ang ipasaka ngadto sa nahisgutang opisyal samtang plano usab niini nga ipa-abot sa Commission on Audit (COA) ang maong JVA.
Ni-apelar si Garcia sa lokal nga pangagamhanan sa dakbayan sa Sugbo alang sa patas nga pagpili sa proposal sa pagpalambo sa Carbon Market nga mao ang merkado sa mga Sugbu-anon.// GBS & EKP
