Gimanduan ni Cebu City Acting Mayor Raymond Alvin Garcia ang Human Resource and Development Office (HRDO) sa pagbawi sa tanan biometric exemptions sa tanan empleyado.
Kini ang iyahang gipahibalo gahapon Lunes, Hunyo 10 sa pagbawi og biometric exemptions sa mga personahe sa kagamhanang local sa dakbayan sa Sugbo mahitungod kini sa mikatap nga scam nga may kalambigitan sa Biometric Daily Time Record (BDTR) sa mga empleyado.
Apan, giklaro sa alkalde nga dili kini buot pasabot nga dili na makakuha sa biometric exemptions ang mga empleyado ilabi na katong adunay on-field duties kundi gikinahanglan lang kini musumitir ug suwat ug personal nga mubisita sa iyang opisina aron sa interegasyon para mailikay ang samang panghitabo mahibalik sa City Hall.
Nagsugod ang maong kamanduan ni Garcia kagahapong adlawa.
