Gibutyag ni Metropolitan Cebu Water District General Manager Atty. Dx Lapid, nga adunay pag-os-us sa suplay sa tubig particular na sa suplay sa Jaclupan Facility sa Talisay City.
Miubos kini gikan sa 25,000 cubic meters matag adlaw ngadto sa 21,000 cubic meters sa matag adlaw, hinungdan nga possible gayud nga apektado ang mga konsumidor hilabi na ang anaa sa bahin sa Southern Cebu City.
Lauman nga makasinati og pagputol-putol nga agas sa suplay sa tubig sa mga kabarangayan nga nahimutang sa South Cebu City, diin sagad nga mo agas ang suplay sa tubig niini panahon lang sa kadlawon.
Apan dili ra hinoun maapektuhan ang anaa sa Northern part sa Cebu City gumikan kay stable ra gihapon ang mga pasilidad sukwahi sa Jaclupan, nga posibleng mauga kini gumikan sa padayung kainit sa panahon.
Matud ni Lapid, nga nakaandam na usab ang buhatan sa MCWD sa mga posibleng kakulian sa suplay sa tubig, apan giklaro niini nga ang nasinati dili pa El Nino, apan dry season lamang.
Gihimug-atan hinoun ni Atty. Lapid, nga dili angay ikabalaka sa mga Sugboanon ang pagkabalda sa suplay sa tubig gumikan kay kung ikumpara sa ubang mga lugar, ang Sugbo adunay daghang mga tinubdan sa tubig nga posibleng kuhaan sa MCWD.
ugang usab niini nga nakaandam ra usab ang buhatan sa ilang mga Generator Sets aron maoy gamiton kung ugaling adunay mahitabong Power Interruption nga posibleng makaapekto sa pagsuplay sa tubig.
