Nanawagan ang Philippine Movement for Climate Justice (PMCJ) sa gobyerno nga magdeklarar og national climate emergency taliwala sa nagkagrabe nga epekto sa hulaw.
Sumala sa senior campaign officer sa PMCJ nga si Laica Rayel, ang sektor sa agrikultura nag-antos na sa grabeng kadaot tungod sa kakulang sa tubig ug taas nga gasto sa produksiyon tungod sa krisis sa lana.
Gipasiugda niini nga ang tabang lamang dili igo ug usa ka mas lapad ug dugay nga tubag ang gikinahanglan aron masumpo ang krisis sa klima.
Naglakip kini sa pagpatuman sa mga plano sa aksyon sa klima nga nakabasi sa siyensya ug pagbiya sa paggamit sa mga fossil fuel.
Basi sa usa ka taho gikan sa state weather bureau, mokabat sa 15 ka mga probinsya sa Luzon ang nakasinati og grabeng hulaw. Diin ang mga probinsya sa Isabela ug Cagayan gibutang usab ubos sa state of calamity.
Ang panawagan nagtumong sa pagpasiugda nga ang tinuod nga kadaugan batok sa krisis sa klima nagdepende sa dali ug kolektibong aksyon sa gobyerno ug sa katawhan.
