Gipaambit ni Cebu City Mayor Nestor Archival ang mga kalamboan ug kalampusan sa nahimong heritage tour sa mga pipila ka deligado sa ASEAN niadtong nilabayng semana.
Atol sa pressconference karong adlawa, Lunes, Pebrero 2, 2026, iyang gipasigarbo ang nahimong feedback sa mga deligado nga nibista sa Dakbayan sa Sugbo niadtong Enero 28.
Diin, gitataw ni Archival nga nakita og na obserbahan sa mga deligado ang kahapsay ug kalimpyo sa Sugbo
Kahinomdoman nga subsob ang pagpangandam sa kagamhanan sa Dakbayan sa Sugbo subay sa magarbohong cultural tour para sa mga delegado.
Gani gisugdan kini sa pagsugat og hugot nga security arrangement sa ilang pag-abot sa City Hall, diin duna’y gipahigayon nga welcome ceremony, pasundayag sa mga Sinulog dancers, ug usa ka reenactment sa kasaysayan sa Sugbo.
Ingun man nga niadtong tungura, gihimug-atan usab ni Mayor Archival nga gawas sa kultura, usa sa angay ipasigarbo mao ang pagkarelihiyoso sa mga Sugboanon, ilabi na ang Magellan’s Cross nga nagsilbing cradle of Christianity sa tibuok Asya.
