CEBU CITY-Nanawagan ang Cebu City Police Office kun CCPO ngadto sa publiko sa pagreport ngadto kanila kalabot sa libudsuroy nga nag-viral sa social media nga giingong masuko kong gamay lang ang kwarta nga ihatag kaniya sa mga tawo nga iyang pangayoan.
Matud ni Police Lieutenant Colonel Janette Rafter, deputy city director for operations sa CCPO nga dihang nadawat nila ang maong video gipapangita dayon nila ang maong libudsuroy, apan wala nila natultolan gumikan kay sa impormasyon nga ilang nakuha magbalhin-balhin kini og lugar.
Hinungdan nga ang kapolisan nangayo og tabang sa publiko nga kong kinsa ang nakakita sa maong libudsuroy mo-report dayon sa kapolisan o sa barangay aron mahatagan og aksiyon ug ma-rescue kini aron dili na usab makahatag og perwisyo sa komunidad.
