CEBU CITY-Sigurado nga mamahimong busy ang mga sakop sa kapulisan sa dakbayan sa Sugbo nga gitahasan sa pagsiguro sa daghang mga tawo nga mobisita sa mga simbahan ug sa mga mobiyahe ngadto sa ilang tagsa-tagsa ka probinsya ning umaabot nga Semana Santa 2024 nga magsugod gikan sa Domingo, Marso 24 hangtod sa Sabado, Marso 30.
Matod pa ni Police Lieutenant Colonel Janette Rafter, Deputy Director for Operations sa Cebu City Police Office, nag-andam na sila og security plan alang sa Semana Santa 2024.
Sa nahimong pamahayag sa opisyal nga kinahanglan sila nga mahimong detalyado hilabi na sa mga simbahan arun makahibalo sila kung pika ang kinatibuk-ang mosalmot sa mga umaabot nga kasaulogan.
Nasayran usab nga makig-alayon kini sa Archdiocese of Cebu aron madeterminar ang Semana Santa nga mga kalihokan nga ilang ipahigayon atol sa relihiyoso nga paghandom.
Dugang pa, ang mga commanding officer sa matag police station makigkomunikar sa mga simbahan sa ilang area of responsibility.
