CEBU CITY-Mapasigarbohon nga gipadayag ni Cebu City Sports Commission chairman John Pages nga andam na ang Sugbo human sa malampuson nga pag-host sa lima ka adlaw nga Palarong Pambansa Pre-National Qualifyinf Meet (PNQM) Cluster 3 nga natapos niadtong Sabado, Hunyo 17, 2023
Ang dakbayan sa Sugbo pinaagi sa CCSC ug sa pakigtambayayong sa Department of Education sa Central Visayas (DepEd-7), DepEd Cebu City, ug sa Sacred Heart School-Ateneo de Cebu (SHS-AdC) nilusad sa ilang red carpet sa pag-host sa walo ka qualifying sports, mga kalihokan nga adunay 1,500 ka mga atleta ug mga opisyal gikan sa upat ka rehiyon.
Sa miaging tuig, ang dakbayan sa Sugbo nipadayag sa ilang intensyon sa pag-host sa Palarong Pambansa 2024 human sa pag-host sa duha ka Palarong Pambansa bubble tournaments sa boksing ug football nga malampuson usab nga mitapos.
Niadtong Enero sa dihang opisyal nga gianunsyo ni Cebu City Mayor Mike Rama ang ilang tinguha nga mo-host sa labing dako nga amateur athletic meet sunod tuig.
Dugang pa niini, ang Cebu City migamit sa SHS-AdC nga mo-host sa tulo ka sports events, samtang ang University of Southern Philippines-Foundation (USP-F), University of San Carlos (USC) Talamban, Don Bosco Technology Center (DBTC), ug Labangon Ang Elementary School maoy nag-host sa uban pang mga sports event.
Gi-tap usab nila ang upat ka mga pampublikong tunghaan sulod sa dakbayan sa Sugbo aron magsilbing billeting quarters sa mga bisitang rehiyon, apil ang Central Visayas.//
Sa laing bahin, gipasalamatan ni Pages ang bantogang Cebuano sports physician nga si Dr. Rhoel Dejaño ug ang tibuok medical team sa pagdumala sa kaluwasan ug medikal nga panginahanglan sa mga nagtigi nga mga atleta.
Gipasalamatan usab niya ang DepEd- 7, DepEd Cebu City, ug Mayor Rama sa ilang dakong suporta sa bag-o lang nahuman nga tigom.
