Padayon ang mga init nga labok sa isturya tali nila ni Cebu City Vice-Mayor Tomas “Tommy” Osmeña ug ni Former Mayor Raymond Alvin Garcia sa ilang mga post sa ilang tagsa-tagsa ka mga social media accounts dala padungog padungog sa usag-usa.
Kini nanukad sa alegasyon nga gibato ni Osmeña sa nakalabayng administrasyon ni Garcia sa Cebu City Hall sa kritisismo niini nga gibangkaruta ang panudlanan sa kagamhanang dakbayan pinaagi sa paggasto sa mga sayop ug kadudahang mga gamit.
Gani padayon gihapong panawagan ni Osmeña kung asa na ang pasalig ni Garcia sa wala pa kini mibiya sa City Hall nga adunay budget surplus nga P12.1-bilyones nga hangtod karon wala pagud nakita ni Mayor Nestor Archival.
Hisgot pa ni Osmeña ang mga mamugnaong pag-angga niini kang Garcia nga “Gwen Jr” nga pasumbingay sa iyang iyaan nga kanhi na Gobernadora sa lalawigan sa Sugbo.
Gitawag kini niya nga kung mamakak naman lang gani kay at least man lang consistent kay klaro ang mga ambisyon daw niini.
Sa kasamtangang pagsubay, si Mayor Archival aduna nay bana-bana sa iyang bana nga adunay budget deficit ang City Hall sa -P6.8-bilyones sa alegasyon kurapsyon sa nakalabaygn administrasyon.
Apan wala magpapildi dayon si Garcia og giukay niini ang nakalabayng panghitabo nga sa dihang napildi si Osmeña niadtong 2019 batok ni anhing Mayor Edgardo Labella nga gipang-bakbak ang tiles ug toilet bowl sa Office of the Mayor nga dakong kausaban sa iyang transistion process niadtong mga nakalabayng buwan human sa adlaw sa eleksyon.
Mipakapin pud si Garcia sa pag-angga kaniya kang Osmeña nga “VM Pinocchio aka Toilet-Tom.”
Apan sa hisgutanang pagtubag sa alegasyong budget deficit sa City Hall, si Garcia kay wala gihapo’y klarong katubagan niini.
Gipanglantawan sa kadaghanan sa mga netizens nga ang Osmeña vs Garcia drama sa social media kay dili pa mamatay tungod sa padayong nagkainit nga hishutanant politika sa dakbayan sa Sugbo sa tinguha sa kasamtangang administrasyon nila ni Archival ug Osmeña sa pagtukod balik sa dakbayan isip numero 1 ug sa pagpanalipod sa mga kanhi opisyales nilang Garcia ug kaubanan sa ilang kaugalingon sa pagpanghimakak sa gipangbatong alegasyon batok sa ilang kanhi pagdumala sa syudad sa Sugbo.
