PROVINCE OF CEBU- Personal nga miinspeksyon sa Cebu North ug South Bus Terminals si Cebu Governor Pamela Baricuatro niadtong Miyerkules Santo, Abril 1, 2026.
Ang pagpangunay og pakigsuta sa gobernadora kay nagtumong sa pagsusi sa kahmtang sa mga terminal sa lalawigan nga gidumala sa Kapitolyo sa Sugbo mugna sa pagdagsa sa mga pasahero aron mamauli sa ilang mga probinsya karong Semana Santa.
GIpaambit pa sa gobernadora ang iyang pag-uyon sa maayong pagdumala na sa mga terminal sa mas hanoy nga likoh sa mga pasahero kun itandi sa mga nakalabayng katuigan ubos sa pagdumala sa nakalabayng administrasyon.
Sa pamahayag sab ni Ahmed Cuizon, ang Administrator sa CNBT ug CSBT sa eksklusibong pakighinabi niini sa Bombo Radyo Cebu News Team nga nakaandam ang duha ka dagkong terminal sa bus sa Sugbo ilabi na sa natad sa seguridad diian sa Cebu Provincial Police Office kay nagdugang og mga personahe nga gideploy sa mga terminal.
Gani aduna silay sistema nga priority boarding sa senior citizens, persons with diabilities (PWDs), pregnant women, ug pamilyang adunay kauban nga gagmayng bata.
Napaglantawan napud nila nga ang Miyerkules Santo ang dagsa sa mga pasahero tungod kay kadaghanan sa mga trabahante kay maong adlawa mubyahe kay wala nay duty sa musunod nga mga adlaw.
Gipaambit sa mga opisyal sa Kapitolyo sa Sugbo nga handumon sa mga Sugboanon ang bililhon ug kamahinongdanon karong panahon sa kwaresma sa importansya sa pag-ampo, paggahin og oras sa pailya, ug pagbago para sa kaayuhan.
